उत्कर्ष विद्या मंदिर क्रीडादिन कार्यक्रम

मनोऱ्यातील केंद्रबिंदू हा श्रीरामाच्या सेनेतील अंगादासारखा घट्ट पाय रोवून उभा राहिला तर संपूर्ण मनोरा यशस्वीरीत्या सादर होतो तसेच त्यावेळी जयजयकार करता येतो व विजयश्री अंगात संचारते असे मत डॉ. कुमार शास्त्री यांनी व्यक्त केले. उत्कर्ष विद्या मंदिरच्या क्रीडादिन कार्यक्रम प्रसंगी ते बोलत होते . ससा कासवाच्या गोष्टीतून करीत असलेल्या कामात सातत्य असेल तर यश नक्कीच मिळते असा कानमंत्र देखील त्यांनी विध्यार्थ्यांना दिला . या प्रसंगी भारतीय उत्कर्ष मंडळाचे अध्यक्ष व कार्यक्रमाचे अध्यक्ष संजय दाणी यांनी विध्यार्थ्यांना शुभेछ्या दिल्या. या कार्यक्रमा दरम्यान रुमाल कवायत , डम्बेल्स, सूर्यनमस्कार , योगासने , नियुद्ध, योगचाप इत्यादी प्रात्यक्षिके सादर करण्यात आली. प्राथमिक विभागातील अमित गुप्ता याने वैयक्तिक गीत सादर केले. संचालन शर्वरी लडी हिने तर आभार प्रदर्शन प्राथमिक विभाग प्रधानाचार्य चेतन काळे यांनी केले.

 

या प्रसंगी विद्या भारतीचे अखिल भारतीय सहसंघटन मंत्री काशीपती, भारतीय उत्कर्ष मंडळाचे सचिव अतुल मोहरीर, शाळा समितीचे अध्यक्ष यशवंत खारपाटे , विद्या भारती विदर्भ व देवगिरी प्रांत संघटक श्रीकांत देशपांडे, उपाध्यक्ष अनिल बाराहाते, शुभदा हरदास, शिरीष वटे , मार्गदर्शक रमाकांत कापरे, मुख्याध्यापक नितीन धनवंत , उपस्थित होते.